ИТХ -ын дэргэдэх зөвлөлийн 2 дугаар хуралдаан 2024 оны 12 дугаар сарын 18 ны 14 цагт хурлын даргын албан өрөөнд ирвэл зохих 7 төлөөлөгчдөөс 5 төлөөлөгч хүрэлцэн ирж 71.4% ийн ирцтэй хуралдаж хуралдаанаар хэлэлцүүлэх асуудлуудыг урьдчилан хэлэлцэв

Сумын иргэдийн Төлөөлөгчдийн Зөвлөлийн ээлжит 2 дугаар хуралдаан. 2024.12.18 Турт Иргэдийн Төлөөлөгчдийн Хурлын зөвлөлийн хуралдаанд ирвэл зохих 7 төлөөлөгчдөөс 5 төлөөлөгч хүрэлцэн ирж 71 %тай хуралдав. Зөвлөлийн хуралдааныг нээж иргэдийн Төлөөлөгчдийн хурлын дарга Л.Дуламхүү хэлэлцэх асуудлыг урьдчилан танилцуулав. -Л.Дуламхүү төлөөлөгч: хэлэлцэх асуудалтай холбоотой асуух болон нэмж хэлэлцүүлэх саналтай төлөөлөгч байна .уу -Б.Пүрэв-Очир төлөөлөгч:хэлэлцэгдэж буй асуудлуудад мэргэжилтнүүдээс асууж тодруулах хэд хэдэн асуудал байгаа тул холбогдох албан тушаалтнуудыг зөвлөлийн хуралдаанд оролцуулах саналтай байна. -М.Эрдэнэдаваа төлөөлөгч : Монгол улсын засаг захиргаа нутаг дэвсгэийн нэгж түүний удирдлагын тухай хуулинд заасанчлан урьдчилан ярилцаж зөвлөлийн хуралдаанаар ороогүй асуудлыг хуралдаанаар хэлэлцүүлэхгүй байх - Ш.Отгонжаргал төлөөлөгч:хуралдаанд хэлэлцүүлэх асуудлаа мэргэжилтнүүд болон албан тушаалтангууд төлөөлөгчдөд урьдчилан хүргүүлж мэдээлэлтэй танилцах боломжоор хангахад ажлын албан цаашид анхаарч ажиллах -М.Эрдэнэдаваа төлөөлөгч:байгаль орчин тогтвортой хөгжлийн бодлогын тайланг байцаагчид уламжилсан материалаа бэлтгээд төлөөлөгчдөд хүргүүлэх үүрэг өгсөн. -Л.Дуламхүү төлөөлөгч: зөвлөлийн хуралдаанд тухай хуралдаанаар хэлэлцүүлэх асуудлууд урьчилан ирсэн хугацаа болсон боловч өнөөдрийн байдлаар төлөөлөгчдийн гарт болон ажлын албанд мэргэжилтнүүд материал ирүүлээгүй байгаа нь хуралдааны бэлтгэл ажил хангагдаагүй байна гэж үзэж байна. Төсвийн төсөл болон хэлэлцэх асууллуудын материалыг 3 хоногийн өмнө буюу баасан гаригт өргөн барих чиглэлийг Засаг даргын Тамгын газрын дарга болон мэргэжилтнүүдэд хүргүүлсэн. -К.Одгэрэл : иргэдийн Төлөөлөгчдийн хурлын нарийн бичгийн дарга -Миний хувьд хуралдаанд таслах эрхтэй оролцдоггүй ч гэсэн зөвлөх эрх бий .Албан тушаалтнуудын хуралд хандах хандлага хангалтгүй хуралдааны бэлтгэл ажлыг өнөөдрийг хүртэл материалаа ирүүлээгүй байгааг анхааралдаа авч шаардлагатай гэж үзвэл хариуцлагын арга хэмжээ авч ажиллах цаашлаад нутгийн өөрөө удирдах байгууллагын үнэлэмжийг дээшлүүлэх багаар хамтарч ажиллах нь бидний ажлыг үр дүнд ихээхэн нөлөөлөх болно. Хуралдаанд асуудал хэлэлцүүлэх эрх бүхий албан тушаалтнууд дор хаяж хуулинд заасанчлан 3-5 хоногийн өмнө материалаа хурлын ажлын албанд хүргүүлж сурчихвал төлөөлөгчдөд цаасаар болон файлаар хувийн хаягаар хүргүүлж мэдээлэлтэй урьдчилан танилцах боломжтой юм. Төлөөлөгчдийн санал болгосноор аялал жуулчлалын мэргэжилтэн О.Алтанчимэг, Х.Ичинноров нар хуралдаанд оролцов. -Б.Пүрэв-Очир төлөөлөгч газрын даамлаас тодруулах асуудлууд байна -О.Алтанчимэг: аялагчид жуулчдад зориулсан жуулчлын мэдээлэлийн самбар хийлгэхээр хэвлэлийн газраар эх бэлтгэлийн загварыг хүргүүлсэн хэдий ч тодорхой хэмжээний төсөв хэрэгтэй байгааг ээлжит хуралдаанд санал оруулах хүсэлтэй байгаа Ойролцоогоор 1700,0 мянган төгрөгний тооцоо гарсан. -Л.Дуламхүү төлөөлөгч: төсөвтэй холбоотой асуудал тул санхүү албатайгаа ярилцаж гаргалгааг олох -М.Эрдэнэдаваа төлөөлөгч: аялал жуулчлал хөгжиж байгаатай холбогдуулан жуулчдад зориулсан мэдээлэлийн самбар байршуулах, орос монголоор хөврүүлсөн гарын авлага байх зайлшгүй шаардлагатай. -Л.Дуламхүү төлөөлөгч: хэлэлцэх асуудалтай холбоотой нэмж асуух саналтай төлөөлөгч байна уу. Хэлэлцэх асуудалтай холбоотой нэмж тодруулах саналтай төлөөлөгч байхгүй тул хуралдааны бэлтгэл ажлыг хангах үүргийг ажлын албанд өгөв. Төлөөлөгчдийн олонхийн саналаар хуралдааны товыг 2024 оны 12 дугаар сарын 30-ний өдрийн 10 цагт хуралдахаар товлож дараах асуудлуудыг хэлэлцэхээр хуралдаанд санал болгож хуралдаан өндөрлөв. Сумын ИТХ-ын ээлжит 2 дугаар хуралдаанаар дараах асуудлыг хэлэлцүүлэхээр 1. Сумын ИТХ-ын 2024 оны тайланг хэлэлцэж үнэлэлт дүгнэлт өгөх 2. Сумын газар зохион байгуулалтын 2024 оны төлөвлөгөөний хэрэгжилт, 2025 оны төлөвлөгөөг хэлэлцэн батлах тухай 3. Сумын төсвийн өнөөгийн байдал,2025 оны төсөв батлах тухай 4. Хог хаягдлын хураамжийг хэлэлцэн батлах тухай 5. Байгаль орчин тогтвортой хөгжлийн бодлогын тасгийн 2024 оны тайлан ,байгаль хамгаалах нөхөн сэргээх зардлын зарцуулалтын тайлан 6. Ойн мэргэжлийн байгууллагын 2024 онд хийсэн ажлын тайлан хэлэлцэж үнэлэлт дүгнэлт өгөх 7. Сумын Засаг даргын-ын 2024 оны үйл ажиллагааны хөтөлбөрийн хэрэгжилт 2025-2028 онд хэрэгжүүлэх үйл ажиллагааны төлөвлөгөөг хэлэлцэн батлах тухай. 8. 2025 оны хэрэглээний модны дээд хязгаар тогтоох тухай 9. Албан байгууллагын дарга эрхлэгч нарын товч мэдээлэл 10.Сумын ИТХ-ын дэргэдэх хороодыг байгуулж бүрэлдэхүүнийг батлах тухай 11. Сумын ИТХ-ын төлөөлөгчдийн ёс хорооны бүрэлдэхүүнийг томилох,ёс зүйн дүрэм батлах тухай Тэмдэглэл хөтөлсөн: ИТХ-ын нарийн бичгийн дарга К.Одгэрэл Хянасан: ИТХ-ын дарга Л.Дуламхүү

Аймгийн ИТХ-аас санаачлан Авилгатай тэмцэх газраас аймаг, сумдын иргэдийн Төлөөлөгчдийн Хурлын ээлжит сонгуулийн үр дүнд бүрэлдсэн иргэдийн Төлөөлөгчдийн Хурал, түүний төлөөлөгч нарт авилгын эсрэг хууль тогтоомжийг сурталчлан таниулах , авилгаас урьдчилан сэргийлэх чиглэлээр заавар зөвлөгөө өгөх, мэргэжил арга зүйн удирдлагаар хангах, авилгын эсрэг соён гэгээрүүлэх арга хэмжээг 2024 оны 12 дугаар сарын 09-ны өдөр аймгийн төвд зохион байгуулж сумын ИТХ-ын төлөөлөгчид , ажлын албанаас уг арга хэмжээнд оролцлоо. Сургалтанд ИТХ-ын ажлын алба ИТХ-ын дарга,мэргэжилтэн засаг дарга түүний орлогч хийт 13 төлөөлөгч оролцлоо

Иргэдийн Төлөөлөгчдийн хурлын бүрэн эрхийн хугацааны 9 дэх удаагийн хуралдаанд ирвэл зохих 20 төлөөлөгч оролцож 96%-мйн ирцтэй хуралдаж дотоод зохион байгуулалтын ажлуудыг хэлэлцэн шийдвэрлэв.Сумын ИТХ-ЫН даргаад Л.Дуламхүүг сонгов

Аймаг нийслэл сум дүүргийн иргэдийн төлөөлөгчдийн хурлын 2024оны ээлжит сонгуулийг Засаг даргын Тамгын газрын даргаар ахлуулсан 7 гишүүдийн бүрэлдэхүүнтэй байгуулан байнгын бус үйл ажиллагаатай сонгуулийн байгууллагад ажиллахаар хүсэлтээ өгсөн шалгалт өгч тэнцсэн төрийн захиргааны бх төрийн үйлчилгээний нийт 43 албан хаагч сонгуульд ажиллаж амжилттай зохион байгууллаа

Ханх сумын төвийн 3-р баг багийн ИНХ-ыг 450 өрхийн төлөөлөл 90 гаруй иргэд ирснээс ирцийг хүчин төгөлдөр гэж үзээд сумын ИТХ-ын дарга мэргэжил арга зүйн удирдлагаар ханган хуралдаанд амжилт хүсч хэлэлцэх асуудлын дараалал ёсоор иргэдийн олонхийн саналаар Энхбаяр овогтой Шинэцэцэгийг улирлуулан сонгов. Хуралдаан даргалагч Э.Шинэцэцэг хуралдаанаа нээж хэлэлцэх асуудлыг танилцуулж иргэдийн оруулсан саналыг дэмжиж суманд тулгамдаж буй асуудлын нэг хогны үнэ тарифын асуудлаар нэмж хэлэлцүүлэхээр асуудлаа батлав. 1. Багийн ИНХ-ны дарга сонгох,улируулан сонгох 2. Багийн Засаг даргын 2024 оны улирлын тайлан сонсож үнэлэлт дүгнэлт өгөх 3. Бэлчээр ашиглалтын журам батлах тухай 4. Бусад цаг үеийн асуудлуудад иргэдийн санал авах Мөн иргэдийн оролцоог хангах талаар ИТХ-ын ажлын албанаас танин мэдэхүйн АХА тэмцээн, багийн засаг дарга Э.Мөнхжаргал нөхөрсөг шагналтай тэмцээн зохион байгуулж нийт иргэдийн дунд нийтийн цэнгүүнт бүжиг зохион байгуулсан үр дүнтэй арга хэмжээ боллоо.

Хөвсгөл аймгийн Хөдөлмөр халамж үйлчилгээний дарга Т.Раднаабүд ажлын хамт олныхоо бүрэлдэхүүнтэй Ханх суманд 3 өдөр ажиллаж тус сумын хөдөлмөр халамж үйлчилгээний мэргэжилтэн М.Эрдэнэсүрэнгийн дуусгаагүй байгаа байшинд доторлогоо болон гэрэл цахилгаан гадна дотны тохижилтод нийт 10 гаруй сая төгрөг зарцуулан өөрсдийнхөө хүч бололцоогоор ажиллаж дуусган ГЭНЭТИЙН БЭЛЭГбарьж хүлээлгэн өгч албан хаагчийн 3 хүүхэдтэй тав тухтай амьдрах нөхцөл боломжийг бүрдүүлсэн сайхан аянгыг өрнүүлэн түлхүүр хүлээлгэж өглөө. Мөн сумын ИТХ ЗДТГ-ын хамт олон ажиллах нөхцөл байдлыг дэмжиж өндөр хурдны комьютер , шарах шүүгээний хамт гардууллаа.

Хөвсгөл аймгийн дотоод хяналт аудитын газраас ажлын хэсэг 2024 оны 3.10наас 3.17 ныг дуустал тус суманд ажиллалаа. Шалгалгалтын явцад гарсан зөрчил дутагдалд зөвлөн туслах арга зүйн зөвөлгөө өгч ажиллан сумын хэмжээнд хоршоо хөгжүүлэх зээлийн сангаас төсөл авсан иргэд хугацаандаа төлж барагдуулахгүй , зориулалтыг бус зүйлд зарцуулсан иргэд, айл өрхөөр нэг бүрчлэн уулзаж хугацаатай албан шаардлага зөвлөмж хүргүүлсний дагуу сумын ИТХ-ын төлөөлөл, ЗДТГ-ын ХААЖДҮхариуцсан мэргэжилтэн сумын хэсгийн төлөөлөгчдийн бие бүрэлдэхүүн ажиллаж албан шаардлага зөвлөмжийн хэрэгжилтийг хангуулахаар ажиллалаа.

2024 оны УИХ-ын ээлжит сонгууль зохион байгуулахтай холбогдуулан төрийн захиргааны ба төрийн үйлчилгээний албан хаагчдын дунд нээлттэй сургалт зохион байгуулж хууль сурталчлах мөн сонгуульд ажиллах хүсэлтай албан хаагчдын хичээлийг судлуулан сорилын шалгалт өгүүлж арга зүйн зөвөлгөө өгч сумын ИТХ-ын зөвлөлд танилцуулж ажиллалаа.

2024 оны багийн иргэд нийтийн хуралдааныг 2024 оны 04 дүгээр сарын 18 наас 2024 оны 04.28 ныг дуустал баг тус бүр дээр зохион байгуулж дотоод зохион байгуулалтын ажлыг хэлэлцэн шийдвэрлэж ИТХ-ын даргаар удирдамж боловсруулан батлуулж бэлтгэл ажлыг хангаж ажиллаж байна.

2024оны 04 дүгээр сарын 08 ны өдөр сумын ИТХ ЗДТГ-ын даргын хамтарсан удирдамж боловсруулан байгууллагаас тэтгэвэрт гарсан ахмадууд болон нийт ахмадуудын дунд төрийн байгууллагуудын хийж хэрэгжүүлсэн ажлууд, амжилт дутагдалын талаар танилцуулж мөн энэ үеэр нөхөрсөг Кароке тэмцээн" зохион байгуулж, ИТХ-ын ажлын албанаас шүүгчээр ажилласан мөн ахмадуудад хүндэтгэл үзүүлж чөлөөт цагийг үр бүтээлтэй өнгөрүүлсэн сайхан арга хэмжээ болсон.

Сумын ИТХ-ын дэргэдэх зөвлөлийн хуралдаан 2024 оны 04 дүгээр сарын 04 ны өдөр 4 буюу 57%ийн ирцтэй хуралдаж дараах асуудлуудыг хэлэлцэж саналаа хүргүүллээ. Мөн зөвлөлийн гишүүд ИТХ-ын ажлын алба сумдын ажил дүгнэх үзүүлэлтээр хангалттай үнэлгээ авч шилдэг сумд болсонд талархаж багийн ИНХ-ыг хуралдуулж хурлаас гарсан тогтоол шийдвэрүүдийг сурталчлан танилцуулж хууль сурталчилж ажиллахыг чиглэл болгов. 1. Сонгуулийн хороонд болон хэсгийн хороонд ажиллах ТЗ ба ТҮ гийн албан хаагчдыг хэлэлцэн санал хүргүүлэх 2. Цаг үеийн асуудлууд Зөвлөл хуралдаж сонгуульд ажиллах байнгын бус үйл ажиллагаатай сонгуулийн хороо хэсгийн хорооны бүрэлдэхүүнийг хэлэлцэж урд өмнө ажиллаж байхдаа алдаа зөрчил гаргаагүй албан хаагчдыг түлхүү оруулж сонгууль зохион байгуулах удирдлагуудад ашиг сонирхлын тухай хуулийн хэрэгжилтийг хангаж ажиллах, нөөцийг нээлттэй бүрдүүлэх чиглэлээр үүрэг өглөө

Хөвсгөл аймгийн иргэдийн Төлөөлөгчдийн ээлжит XXV Хуралдаан болж байна. Хуралдаанаар дараах асуудлыг хэлэлцэнэ. Хэлэлцэх асуудал: 1.Аймгийн 2022,2023 оны эрүү, хэв журмын нөхцөл байдал, цаашид анхаарах асуудал 2.Ахуйн зориулалтаар 2024 онд агнах, барих амьтны тоо хэмжээний дээд хязгаар батлах тухай 3."Эх хэлний хөтөлбөр" батлах тухай 4.Хөвсгөл далайг төрийн тахилгат болгох санал уламжлах тухай 5.Ажлын хэсэг байгуулах тухай 6.“Шинэмөрөн худалдааны төв” ОНӨХХК-ийн дансны үлдэгдлийг зарцуулах тухай 7.Аж ахуйн тооцоот үйлдвэрийн газар байгуулах тухай 8.Хөрөнгө бүртгэх, шилжүүлэх, актлах тухай 9.Санал уламжлах тухай 10.Аймгийн иргэдийн Төлөөлөгчдийн Хурлын 2023 оны 12 дугаар сарын 01-ний өдрийн 03 дугаар тогтоолоор байгуулагдсан ажлын хэсгийн Хөвсгөл аймагт олгосон газар олголтод хяналт, шалгалт хийсэн ажлын тайлан, цаашид авах арга хэмжээний тухай асуудлуудыг хэлэлцэж байна.

сумдын 2023 оны ажлыг дүгнэж ажил үйлсээрээ шалгарсан эхний 5 байр эзэлсэн ИТХ, мөн гэмт хэргийн ажлаараа тэргүүлсэн сумдыг шагнаж урамшуулав.

2024 оны 02 дугаар сарын 01 ний өдөр сумын удирдлагаас өгсөн үүрэг даалгаврын дагуу ИТХ-ын ажлын алба хөдөө аж ахуйн тасгийн мэргэжилтэн ,мал эмнэлгийн улсын байцаагч, татварын улсын байцаагч цагдаа нарын хамтарсан хяналт шалгалтыг тус сумын нутаг дэвсгэрт хүнсний худалдаа, хоол үйлдвэрлэлийн чиглэлээр үйл ажиллагаа явуулж буй газруудад Монгол улсын Төрийн хяналт шалгалтын тухай, Аялал жуулчлалын тухай, Хүнсний тухай, Хүнсний бүтээгдэхүүний аюулгүй байдлыг хангах тухай, Амьтны тухай, Хог хаягдлын тухай хууль тогтоомж, нийтээр дагаж мөрдөхөөр тогтоосон дүрэм журам стандартын мөрдөлт, хэрэгжилтэнд хяналт шалгалт хийж, илэрсэн зөрчил дутагдлыг арилгуулах, хэрэгжилтийг хангуулах, мэргэжил арга зүйн зөвлөгөө өгөх замаар эрсдлийг бууруулахад чиглэсэн хяналт шалгалтыг зохион байгуулахад урьдчилсан байдлаар удирдамжийг танилцуулж зөвлөгөө зөвлөмжийг өгч нийт 15 дэлгүүрээр явж ажиллалаа. Шалгалтын явцад ОХУ-аас орж ирсэн акцгүй архи пиво дарс мөн хугацаа нь дууссан хүнсний бүтээгдэхүүн хоолны амтлагч байсныг ажлын хэсэг хураан авч устгалын комисст хүлээлгэн өгсөн. Архи согтууруулах ундаа худалдаалах зөвшөөрөлгүй дэлгүүрээр зарагдаж байсан архи пивыг хураасан.

Жил бүрийн 2 дугаар сарын 15 ны дотор албан тушаалтнууд ИТХ-ын төлөөлөгчид багийн засаг дарга нарын хөрөнгө орлогын мэдүүлгийг авч Авлигатай тэмцэх газарт хүргүүлнэ.

Билгийн тооллын XVII жарны Хилэнт эх хэмээх Модон луу жилийн босгон дээр Тураг 1-р багийн малчин Намдаг овогтой Батсүх аймгийн Хошой аварга малчин, Пүрэвжав овогтой Ганбаатар сумын аварга малчин, Нямдалай овогтой Бибиш сумын аварга малчин, Агваан овогтой Хандсүрэн сумын аварга саальчин тэмдгээр тус тус энгэрээ мялаалаа.Малчиддаа баяр хүргэж амьдралд нь аз жаргал сайн сайхан бүхнийг хүсье

Монгол Улсын Засгийн газраас сар шинийн баярын өмнө манай сумын Улсын аварга малчин, Аймгийн хошой аварга малчин,Аймгийн аварга саальчин, Сумын аварга малчин,Сумын аварга саальчин хамт олныг шалгарууллаа. Үзэсгэлэнт болгогч хэмээх харагчин Туулай🐇жилийн 🇲🇳 Ханх сумын Баясгалант 4-р багийн аваргуудаар ✅ Улсын аварга малчин Намдаг овогтой Лхагвасүрэн ✅ Аймгийн хошой аварга малчин Болд овогтой Дүүрэнбаяр ✅ Аймгийн аварга саальчин Цогт-Очир овогтой Баярхүү ✅ Сумын аварга малчин Сандаг овогтой Батжаргал ✅ Сумын аварга саальчин Дашням овогтой Рэгзэдмаа нар буянт мал сүргээ өсгөн үржүүлж, арвин их ашиг шимийг нь ард түмэндээ хүртээж, нутаг усныхаа нэрийг өндөрт өргөж тодорлоо. Малчиддаа баяр хүргэж, ажил амьдралд нь сайн сайхан бүхнийг хүсэн ерөөе.🐉 “Хилэнт-Эх” хэмээх модон луу жилдээ элгээрээ энх жаргаж, мал сүрэг маань түм бумаар үржих болтугай😊

xvii жарны энх цагийг билэгдсэн “ Хилэнт эх “хэмээх модон Луу 🐉 жилийн сар шинийн босгон дээр "Ханх" сумын "Хороо" багаас аймаг, сумын аварга малчны болзол хангасан малчдынхаа шагналыг сумын удирдлагуудтай хамтран гардууллаа ☆ Аймгийн аварга малчин Содномын Ренчин ☆ Сумын аварга малчин Долгорсүрэнгийн Дэлгэрмөрөн ☆ Сумын аварга малчин Бямбаагийн Нямдорж ☆ Хариуцлагатай малчин Дуламын Чулуунбат нар шалгарлаа

"Үзэсгэлэн болгогч" хэмээх туулай жилийн сар шинийн босгон дээр Аймгийн Хошой Аварга малчин анх удаа тодорж Хошой аварга малчнаар Намдаг овогтой Лхагвасүрэн , Аймгийн аварга малчин өрхөөр Чүлтэм Осор овогтой Өлзийбат нар тодорлоо. Аваргуудын шагналыг малчны хотонд нь гардуулан өгдөг уламжлалын дагуу сумын удирдлагууд хүлээлгэн өглөө.