СУМЫН ЕРӨНХИЙ ТАНИЛЦУУЛГА Ханх сум нь 1931 оны 2 дугаар сарын 06-ны өдрийн Засгийн газрын 2 дугаар хуралдаан, Улсын бага хурлын тэргүүлэгчдийн 5 дугаар хурлын тогтоолуудаар 1931 оны хавар Саяны нурууны орчим Мөнх цаст “Бүрэнхаан уул”, Хөвсгөл далай хоёрын хоорондох зурвас газарт Ханх сум гэж байгуулагдсан. Тус сум нь Урианхай, Дархад, Буриад, Халх голлосон олон ястны өлгий нутаг юм. Саяны нурууны орчим Мөнхцаст уул Бүрэнхаан уул Хөвсгөл далай хоёрын хооронд Хөвсгөл аймгийн хамгийн хойд хэсэгт далайн түвшнээс дээш 1500-3000 метрийн өндөрт ой тайгын бүсэд оршдог. Манай сум нь 549871 га талбайтай, Монгол улсын гадаргын цэвэр усны 75%, ой модны 25%-ийг дангаараа эзэлдэг. Байгалийн үзэсгэлэнт Хөвсгөл нуурын эрэг орчмын газар нутагтай. Сумын газар нутгийн 98% улсын тусгай хамгаалалтад багтдаг ба 2% сумын эдэлбэр газарт хамаарна. Нутаг дэвсгэр, бүсийн онцлог Тус сум Хөвсгөл аймгийн хойд хэсэгт далайн төвшнөөс дээш 1500-3600 метрийн өндөрт Ой тайгын бүсэд оршдог. Өмнө талаараа Алаг-эрдэнэ сумын Хатгал тосгон, баруун талаараа Ренчинлхүмбэ сум, хойгуураа ОХУ-ын Буриад улсын Түнхэн аймаг, зүүн талаараа Цагаан-Үүр, Чандмань-Өндөр сумдтай хил залган Хөвсгөл далай хойд тал, Саяны нуруу түүний оргил Бүрэн хаан /Мөнх сарьдаг/ уулын өвөр бэлийг дагаж Их хороо, Их, бага Ханх, Тураг, Далбай, Борсог, Ноён гол зэрэг томоохон голуудын сав, хөндийг дагаж оршдог. Улаанбаатар хотоос 952 км, аймгийн төвөөс 281км зайд алслагдан оршдог бөгөөд Саяны нурууны оргилыг дагаж Монгол Оросын хил зааглагддаг. Цаг уурын нөхцөл Ханх сумын цаг агаарт Хөвсгөл нуурын ус нь агаарыг чийгшүүлэх бөгөөд агаарын температур 1, 2 дугаар сард хамгийн доод хэмжээнд хүрч дунджаар -26.1 градус байх боловч хүйтэндээ -38 градус болж хүйтэрдэг. Зун 6,7 дугаар сард дээд хэмжээндээ хүрч +8-+23 градус болж дулаарна. Зундаа чийглэг, сэрүүн, хүйтэн ч нуур хөлдсөнний дараа тогтуун уур амьсгалтай байдаг

Хөвсгөл аймгийн Ханх сумын ИТХ-ын ажлын алба, төлөөлөгчид 2025 оны 03 дугаар сарын 24-27 ныг дуустал "Төлөөлөгчдийн чадавхжуулах" сургалтанд хурлын дарга нарийн бичгийн дарга мэргэжилтэн нийт 17 төлөөлөгч оролцсон. Уг сургалт шинээр сонгогдсон төлөөлөгчдөд анхан шатны арга зүйн зөвөлгөө цаашид яаж ажиллах талаар мөн орон нутгийн хөгжил, төсөв санхүү, хурлын дэргэдэх хороод зөвлөлийн ажиллах талаар цг үеэ олсон үр дүнтэй сургалт болсон. Мөн энэ үеэр УИХ -ын гишүүн Б.Мөнхбаатар Л.Энхамгалан Д.Үүрийн туяа нартай уулзаж сум орн нутгийнхаа тулгамдаж буй асуудлын танилцуулж санал бодлоо солилцсон. Сургалт дуусч сумын ИТХ-ын төлөөлөгчидтэйгөө Ноён хутагт Данзанравжаагийн нутагт очиж сүжиглэж энерги авсан.

Монгол Улсын үндсэн хууль бусад хуулиудыг хэрэгжүүлэн хурлын үйл ажиллагааг бэхжүүлж гүйцэтгэх засаглалын үйл ажиллагаанд тавих хяналтыг тогтмолжуулах, төрийн үйлчилгээг ард иргэдэд хөнгөн шуурхай,чирэгдэл, хүнд сурталгүй хүргэх төсвийн хөрөнгийн үр ашгийг оновчтой зарцуулж,сахилга хариуцлагыг дээшлүүлэн сум орон нутгаа хөгжүүлэхэд оршино.

2025 оны Боловсролын салбарын нэрлэсэн жилийн хүрээнд БГ-ын төлөвлөгөөт ажлын дагуу зохион байгуулсан Ханх сумын төрийн байгууллагуудын дундах "Соён гэгээрүүлэх үндэсний хөтөлбөр ба ТАХ-ийн ёс зүй"- сэдэвт АСК тэмцээн амжилттай болж дууслаа. АСК- тэмцээнд нийт 5н баг оролцлоо. 1- байр, өргөмжлөл, 200000 "Өсөх-Ирээдүй" баг /сургуулийн баг/ 2-р байр, өргөмжлөл 150000 "Цагаан суврага" баг /Соёлын төв/ 3-р байр, өргөмжлөл 100000 "Энэ хүүхнүүд үү? "- баг /Бүрэнхаан хүүхдийн цэцэрлэг/ Тусгай байр, өргөмжлөл, 50000 "Эв эе"- баг /БУЗАН/, Этос /Сургуулийн/багууд тус тус амжилттай оролцлоо. АСК-тэмцээнд оролцсон багуудаас гаргасан уриа: "Ёс зүйтэй төрийн албан хаагчийг төлөвшүүлье"

Сайн байцгаана уу? Турт 3-р багийн иргэн Ж.Хишигбатын гэр бүлд тохиолдсон болзошгүй гал түймрийн аюулд өртөж эд хөрөнгө болон сэтгэл санааны асар их хохирол амссан тул тусламжийн гараа сунгахыг сумын нийт иргэд, албан байгууллага болон аж ахуй нэгж та бүгдийг нэгдэхийг уриалж байна. Өгөөмөр сэтгэлийн хариу Өнө мөнхөд дэлгэрэг. " Түмний сэтгэлийг түмэндээ " хандивын аянд нэгдэцгээе. Хандивын данс:5312894431 Холбоо барих утас: 88318677 Турт 3-р багийн Засаг дарга Б.Мөнх-Эрдэнэ

XVII жарны “Элдэв эрдэнэт” хэмээх Модон могой жилийн Сар шинийн баярын мэндийг өргөн дэвшүүлье! 👏 Та бүхэн минь хотол олноороо САЙХАН ШИНЭЛЭЭРЭЙ Юу санасан есөн цагаан хүсэл тань сэтгэлчлэн бүтэх болтугай.

Ханх сумын уугуул цэргийн заан Б.Мөнх-Очир агсаны нэрэмжит өсвөр насны бөхийн барилдаан 2025 оны 03 дугаар сарын 14 -нөөс 16- ний өдрүүдэд Ханх , Рэнчинлхүмбэ Улаан-Уул сумын өсвөрийн бөхчүүдийн барилдаан болж сумаа төлөөлж Б.Мөнх-Очир агсаны төрсөн хүүхдүүд амжилттай оролцож ирсэн.

Ханх сумын эрэн хайх аврах бүлгийн бүлгийн дарга аврах ажиллагааны зааварлагч ахлах дэслэгч С.Сүлд-Эрдэнээр ахлуулсан алба хаагчид Ханх сумын төрийн албан хаагчдад бэлэн байдлын үзлэг зохион байгууллаа. Үзлэгээр ой, хээрийн түймрийн үед ажиллах бэлтгэл бэлэн байдал, багаж, техник хэрэгслийг шалган, заавар зөвлөмж өгч ажилласан байна.

Жаварт өвлийг өнтэй давж, урин хавартай золгох босгон дээр эрдэнэт сүргээ өсгөж, үр шимийг нь дэлгэрүүлэн яваа аварга малчныдаа төр нь хүндэтгэн очиж, алдаршуулдаг уламжлалтай. Хөвсгөл аймгийн Ханх сумын Баясгалант багийн малчин Т.Бямба-Очир гэргий Б.Анхбаяр нарын хотонд аймгийн хурлын Төлөөлөгч Х.Цэнд-Аюуш очин хүндэтгэл үзүүлж, “Аймгийн аварга малчин” хэмээх эрхэм хүндэт шагналыг гардуулан өглөө. Жилийн дөрвөн улиралд буянт мал сүргийнхээ төлөө бие, сэтгэлээ чилээн, цаг наргүй хөдөлмөрлөснөөр үр шимийг нь хүртдэг Эрдэнэт сүргийн эздэдээ баяр хүргэж, Буянт мал сүрэг нь тал дүүрэн өсөхийн ерөөл өргөе

Монгол Улсын Төрийн албаны зөвлөлийн даргын 2025 оны 02 дүгээр сарын 17-ны өдрийн 02 дугаар тушаалаар байгуулагдсан Ажлын хэсэг 2025 оны 02 дугаар сарын 21 -ний өдөр Хөвсгөл аймгийн Ханх суманд ажиллалаа. Ажлын хэсгийг Төрийн албаны зөвлөлийн гишүүн референт Г.Галбаяр ахалж, гишүүдэд Эрүүл мэндийн яамны шинжээч Хандармаа , Эрүүл мэндийн даатгалын ерөнхий газрын Бодлого төлөвлөлтийн газрын хэлтсийн дарга Б.Ууганбаяр, Онцгой байдлын ерөнхий газрын Хүний нөөцийн хэлтсийн дарга Батжаргал , аймгийн татварын газрын дарга Д.Хуншагай нарын бүрэлдэхүүнтэй ажиллав. Хөвсгөл аймгийн Ханх сумын Засаг дарга Б.Бямбабаяр, ЗДТГ-ын дарга Б.Баасансүрэн нартай уулзалт хийж, удирдамжийн агуулга, Төрийн албаны хууль тогтоомж, төрийн албаны шинэтгэлийн бодлого болон төрийн жинхэнэ албан хаагчийг сонгон шалгаруулж, томилох үйл ажиллагаа, хүний нөөцийн удирдлагын шийдвэрт хяналт, шалгалт хийж, зөвлөн туслах ажлын талаар дэлгэрэнгүй танилцуулж, санал солилцов.

Төрийн албан хаагчийн зөвөлгөөнд нийт 70 гаруй албан хаагчийн төлөөлөл оролцож мөн аймгийн ИТХ-ын дарга Д.Пүрэвдорж ажлын албаны дарга Х.Цэндаюуш нар оролцлоо. Уг зөвөлгөөнд худалдаа эрхлэгчид оролцлоо

Төрийн албан хаагчийн зөвөлгөөнд нийт 70 гаруй албан хаагчийн төлөөлөл оролцож мөн аймгийн ИТХ-ын дарга Д.Пүрэвдорж ажлын албаны дарга Х.Цэндаюуш нар оролцлоо. Уг зөвөлгөөнд худалдаа эрхлэгчид оролцлоо

Сумын ИТХ-ын ээлжит бус хуралдааныг 2025 оны 02 дугаар сарын 10 ны өдрийн 11 цагт ирвэл зохих 20 төлөөлөгчдөөс 11 төлөөлөгч буюу 55%ийн ирцтэй хуралдаж дараах асуудлыг хэлэлцэв. Уг хуралдаанаар 1. 2025 оны газар зохион байгуулалтын төлөвлөгөөний хавсралтанд өөрчлөлт оруулах тухай 2. Газар зохион байгуулалтын төлөвлөгөөнд өөрчлөлт оруулах тухай тус тус хэлэлцэн шийдлээ. Урилгаар сумын газрын даамал Т.Нямцэцэг оролцлоо.

2025 оны 01 дүгээр сарын 6-наас 2025.01.09 нийг дуустал багийн иргэдийн нийтийн хуралдааныг товлон зарлаж багийн засаг дарга нарын сонгууль явуулж олонхийн санал авч дэмжигдсэн багийн засаг дарга нарын ХАСУМ-ыг ажлын 10 хоногт АТГ-т хүргүүлэн хариуг ирүүлсэн 2025.02.10 ны 13 цагт сумын засаг дарга батламжлан томиллоо

Сумдын ИТХ-ын нарийн бичгийн дарга ажлын албаны мэргэжилтэн нарыг чадавхжуулах сургалтыг зохион байгуулав

Аймгийн Засаг дарга Л.Төмөрбаатар Ханх суманд ажиллаж дараах асуудлуудыг шийдвэрлэлээ. ✅Сумын төвд спорт заалны барилга шинээр барих; ✅15 ортой эрүүл мэндийн төвийн барилгын зураг төсвийг боловсруулж, 2026 онд барилгын ажлыг улсын төсөвт тусгуулж, эхлүүлэх; ✅640 хүүхдийн суудалтай хичээлийн байрыг шинээр барих асуудлыг анхаарах; ✅Сумын төвийн цахилгааны хүчдэлийн уналтыг бууруулах зорилгоор дэд станц барих; ✅Онцгой байдлын газрын Эрэн хайх аврах бүлгийг ажиллуулах талаар Засгийн газрын шийдвэр гаргуулж, үйл ажиллагааг тогтмолжуулах; ✅Цагдаагийн байрны засварын ажилд дэмжлэг үзүүлэх; ✅Шалган нэвтрүүлэх боомтын ажилчдын байрны халаалтын асуудлыг шийдвэрлэх; ✅Эрүүл мэндийн төвд шүдний аппарат олгох; ✅Хилийн цэргийн заставд 2 айлын орон сууц шинээр барихад дэмжлэг үзүүлэх; зэрэг асуудлуудыг шийдвэрлэлээ. #Амьдрах_орчноо_сайжруулж_Өрхийн_үйлдвэрлэлийг_дэмжих_жил #Бүтээлч_хөвсгөлчүүд_хөтөлбөр

2025 оны 01 дүгээр сарын 28 нд аймгийн удирдах ажилтаны зөвөлгөөн болж сумын ИТХ-ын дарга Засаг дарга Тамгын дарга ИТХ-ийн нарийн бичгийн дарга нарыг оролцуулан уг зөвөлгөөнд 250 гаруй төрийн албан хаагчид хамрагдсан ажил хэрэгч шинжтэй зөвөлгөөн боллоо. Зөвөлгөөнд ИТХ-ын дарга Л.Дуламхүү, сумын Засаг дарга Б.Бямбабаяр,ЗДТГ-ын дарга Б.Баасансүрэн нар оролцлоо. Зөвөлгөөнөөр төрийн байгууллагын 2024 оны үйл ажиллагааны үнэлгээ 2025 оны нэрлэсэн жилийн хүрээнд хийх ажлын нээлт, цэрэг штаб, санхүү , хууль эрх зүй, хөгжлийн бодлого төлөвлөлтийн мэдээлүүдийг холбогдах албан тушаалтнууд мэдээлсэн. Мөн тусгайлан хөтөлбөрөөр аймгийн ИТХ-ын ажлын албанаас Нутгийн өөрөө удирдах байгууллагын уулзалт, сургалтыг сумдын нарийн бичгийн дарга нарын дунд сургалт зохион байгууллаа.

Сумын иргэдийн Төлөөлөгчдийн хурлын ээлжит бус 1дүгээр хуралдааныг 2025.01.03 ны 10 цагт 71.% тай хуралдаж дараах асуудлуудыг хэлэлцэж шийдвэр гаргалаа

Багуулын иргэд нийтийн хуралдааныг 2025 оны 01 дүгээр сарын 06 наас 2025 оны 01 дүгээр сарын 09 ны хооронд товлон зарлав.Уг хуралдаанаа 1.Багийн иргэдийн нийтийн хуралдаан даргалагчийг сонгох тухай 2.Багийн засаг даргын тайлан сонсож үнэоэлт дүгнэлт өгөх тухай 3.Багийн засаг даргад нэр дэвшүүлж засаг дарга сонгох тухай хэлэлцэнэ. 56.4.Баг, хорооны Засаг даргад нэр дэвшигч дараах шаардлагыг хангасан байна: 56.4.1.хорооны Засаг даргад дээд, багийн Засаг даргад бүрэн дундаас дээш боловсролтой; Энэ заалтыг 2024 оны 06 дугаар сарын 05-ны өдрийн хуулиар өөрчлөн найруулсан./ 56.4.2.шүүхийн шийдвэрээр тогтоогдсон зээл, батлан даалтын болон бусад гэрээгээр хүлээсэн хугацаа хэтэрсэн өргүй байх; 56.4.3.шүүхийн шийдвэрээр тогтоогдсон татварын өр төлбөргүй байх; 56.4.4.ялгүй байх. зараллаа

Хөвсгөл аймгийн ИТХ-н төлөөлөгч Х.Цэнд-Аюуш, сумын ИТХ, ЗДТГ, Соёлын төв хамтран зохион байгуулсан "Баг" арга хэмжээ 12 сарын 25-нд Ханх сумын Тураг I багт, 26-нд Хороо II багт, 27-нд Турт III багуудад тус тус зохион байгуулагдлаа.Мөн баг арга хэмээ үеэр ИТХ-ын төлөөлөгчид "Шидэт санта" аяныг зохион байгуулж давхардсан тоогоо 50 хүүхэд өндөр настанд бэлэг өгч урамшуулсан. Оны шилдгүүдийг шагнаж урамшуулан урлагийн тоглолт тавьж, иргэдээ сонссон үйл ажиллагаа боллоо.